ХШУС-иас жил бүр зохион байгуулдаг "Доктор, магистр, бакалавр оюутны эрдэм шинжилгээний бага хурал" 2017 оны 03 дугаар сарын 15-ны өдөр ШУТИС-ийн Шинжлэх ухаан технологийн төв номын сангийн хурлын танхим (E-405)-д амжилттай зохион байгуулагдаж хурлын хөтөлбөрийн дагуу нийт 17-н илтгэл хэлэлцэх байснаас 2 илтгэгч хүндэтгэх шалтгааны улмаас оролцоогүй.  Илтгэлүүдэд 6-н бакалавр, 3-н магистрант, 6-н докторант оролцож, өөрсдийн судалгааны үр дүнг амжилттай хэлэлцүүллээ.

Бакалавр оюутан

I  байр -ХИС-ын бакалавр оюутан Г.Отгонзаяа /ХТ-4/

II байр-ФТ-ийн бакалавр оюутан Л.Сандагдорж /ИФ-4/     

III байр-ХИС-ын бакалавр оюутан А.Төгсжаргал /АХ-4/, Б. Маралмаа /ХТ-4/

Бакалавр оюутны бүтээлийн уралдаанд

• ХИС-ын бакалавр оюутан Г.Отгонзаяа /ХТ-4/ “Эрдмин үйлдвэрийн электролит уусмал дахь төмрийн агуулгыг бууруулах судалгаа”
• ФТ-ийн бакалавр оюутан Л.Сандагдорж /ИФ-4/ “Цементэн зуурмагийн урсалтын шинж чанарт идэвхит эрдэс нэмэлтийн үзүүлэх нөлөө”
• ХИС-ын бакалавр оюутан А.Төгсжаргал /АХ-4/, Б. Маралмаа /ХТ-4/ “Карбон материалаас графин оксид гарган авах судалгаа”
• ХИС-ын бакалавр оюутан Б. Энхзаяа /НБХТ-4/ “Хөшөөт ба Талбулгийн ордын нүүрснээс идэвхижүүлсэн нүүрс гарган авах судалгаа”
• ФТ-ийн бакалавр оюутан Б.Гарьдмагнай (ҮЭИ-IV) “Сул хүчиллэг ба шүлтлэг ус гарган авах”

Магистрант

I байр-ХИС-ын магистрант Б. Хулагчин

II байр-ФТ-ийн магистрант  Х. Бямбасүрэн

Докторант

I байр-ХИС-ын докторант В.Болормаа

II байр-ФТ-ийн докторант Г.Зоригт нар тус тус эзэллээ.

 Үе үеийн оюутнуудын төлөөлөл болж өөрсдийн судалгааны ажлын үр дүнгээрээ ХШУС-ийн доктор, магистр, бакалавр оюутнын эрдэм шинжилгээний хуралд оролцсон нийт оюутнууддаа цаашдын эрдмийн ажилд нь улам их амжилт хүсье. 

Мөн бидний урилгыг хүлээн авч хуралд өөрсдийн цаг заваа гарган шүүгчээр ажилласан ХИС-ын профессор, доктор (Ph.D) И.Сүхбаатар, ФТ-ийн профессор, доктор (Ph.D) Г.Батдэмбэрэл, ХИС-ын дэд профессор, доктор (Ph.D) Д.Бурмаа, МТ-ийн ахлах багш, доктор (Ph.D) Т.Батзул, ФТ-ийн ахлах багш, доктор (Ph.D) Х.Балт-Эрдэнэ нартаа, мөн хүрэлцэн ирж оролцсон багш нартаа маш их баярлаж, талархсанаа илэрхийлье.

Шалгарсан бакалавр оюутнуудыг 4 дүгээр сарын 06-нд болох Монгол улсын ардын багш, академич Ч.Авдайн нэрэмжит оюутны “Эрдмийн XVII чуулган”, 4 дүгээр сарын 27-нд “Оюутны шилдэг бүтээлийн” уралдаан, шалгарсан магистрант, докторант нар 4 дүгээр сарын 05-нд болох “ШУТИС-ийн магистр, доктор оюутны” эрдэм шинжилгээний хуралд оролцуулахаар бүтээлүүдийг стандартын дагуу бичиж, бүртгэлийн нэрсийн хамт холбогдох албанд хүргүүллээ.

ХШУС-Захиргаа