ШУТИС -ийн оюутны физикийн 32 дугаар олимпиад амжилттай зохион байгуулагдлаа

ШУТИС-ийн оюутнуудын дунд жил болгон зохион байгуулагддаг физикийн олимпиадын 2022 оны, 32 дахь удаагийн олимпиад 3 -р сарын 14 – 27 -ны өдрүүдэд гурван үе шаттай зохион байгуулагдлаа.

Инженерчлэлийн суурь үндэс болсон физикийг гүнзгийрүүлэн судалж буй оюутан залуусын технологи техникийн шийдэлд физикийн мэдлэг чадвараа хэрэглэх ур ухааныг сорьсон энэхүү олимпиадад нэгдүгээр шатаас шалгарсан 109 оюутан хоёрдугаар шатад оролцсоноос физикийн асуудал, бодлогыг бодох чадварыг нь үнэлэн дүгнэхэд, 36 оюутан гуравдугаар шатад шалгаран үлдсэн байна.

Сүүлийн шатны шалгаруултад амжилттай оролцож, олимпиад зохион байгуулах комиссын нэгтгэсэн дүнгээр, алт, мөнгө, хүрэл медалийн болзол хангаж, эхний гурван байранд доорх зургаан оюутан шалгарсан байна.

Тус олимпиадад ХШУС, БАС, ГУУС, ҮТС, МехТС, ЭХИС-ийн оюутнууд идэвхтэй оролцлоо. Олимпиадад эхний I, II, III байранд шалгарсан оюутнууд их дээд сургуулиудын дунд зохион байгуулагдах улсын физикийн олимпиадад оролцох эрхтэй болж байна.

Амжилттай оролцсон нийт оюутнуудад баяр хүргэж, эрдэм мэдлэгийн их үйлсэд нь өндөр амжилтыг хүсэн, олимпиадын удирдамжид заасан ёсоор эхний байруудад шалгарсан дээрх зургаан оюутныг, энэ улиралд сонгон суралцаж буй Физик I, Физик II хичээлийн улирлын шалгалтын 30 оноог шууд тооцож, өргөмжлөл, мөнгөн шагналаар урамшуулав.

Физикийн олимпиадад байр эзэлсэн оюутнуудад ХШУС -ийн болон тэнхимийн удирдлага баяр хүргэж, шагналыг гардуулав.

ШУТИС Физикийн тэнхим, Олимпиад зохион байгуулах комисс